有勞添加：《彭彭聲》旁邊有黃色★，即可第一時間收到更新通知，以及幫《彭彭聲》保持在日常推送範圍內。
溫馨提示：今日有歌，不過第一次播歌之後未結束嘅！
兩群車主相互抹黑
對自己愛嘅人無自信，唔包容。對自己愛嘅隊伍唔包容。又要條女正，或者條仔夠型，又唔睇睇自己咩水平。嗰啲朋友圈各種曬嘅係人哋嘅生活。唔少人慣咗唔係去分享或者關心，而係各種比較。自己條女唔可以差過人哋條女，自己條仔部車要靚過人哋之類。連拖都未拍就為咗啲虛無縹緲嘅比較而制定一個標準。搞到真係搵唔到拖拍。而呢啲惡果其實就係上網或者社交嘅時候，價值觀扭曲，下下都係敵我、輸贏造成嘅。知道自己朋友圈裡面啲友仔嘅醜陋，自己習慣網絡暴力，都好怕被人暴力返轉頭。今次奧運亦如是。為咗??不斷老作啲故事出來，諗住一邊挑撥仇恨，一邊通過人哋嘅過失去彰顯自己嘅英明偉大正確領先。當然，唔少被告知嘅，無接收到有用資訊嘅，從來唔問句點解嘅，就深信呢啲公眾號啦。但係可喜嘅係，唔少有自我思維能力嘅人，會通過呢啲抹黑醜化手段，睇到更多人哋可愛之處。
話人地鐵人三項游屎水，剪輯啲運動員造成全部比賽以後嘔吐嘅畫面????話人地啲床都係紙造嘅????話裁判唔公平????話國罵係揚國威。
開幕式一改再改，日本著名導演北野武火都來，表達對開幕式嘅不滿。但係，你要明白點解呢位資深導演會覺得唔符合佢要求呢？你有無諗過北野武滿意嘅，可能你更加睇唔明呢？而更難得嘅，無論係我哋抑或作為日本文化代表嘅藝術家，都可以隨便提出批評。不如調轉試下吖！
又話冷氣唔夠，又話服務不周。作為全世界最講求服務同細節嘅地方，喺口罩奧運嘅情況之下，有唔少嘢係無奈需要自助服務嘅。賽場人都無個，除咗我哋啲所謂博主，全世界運動員都唔覺得無冷氣。甚至乒乓球比賽因為無觀眾，冷氣風量顯得過大添。嗰啲什麼奢華個要求背後，體現嘅係人哋嘅務實。運動場館全部喺市內旺區，平時絕對唔會閒置。每一樣嘅開支公開透明，等我哋呢啲納稅人清楚佢哋有無浪費我哋嘅血汗錢。成日講輸贏，喺呢啲對此上面????成日睇重啲金牌。搞清楚乜嘢叫做體育強國。佢唔係有幾多個金牌。而係國民日常放喺運動嘅時間有幾多，使落運動嘅消費有幾多。要睇嘅係佢參與咗幾多項目，並且入到前四。參與項目多，即係佢哋興趣廣泛，體質、身體協調性、團隊合作意識等非常好。經濟同地理位置都唔錯，先可以好多項目都有人參與。而排名前四就係水平到咗世界前列級別。成日都係得嗰兩三個大項，攞下下面幾個金牌，同幾乎每個項目都有嗰啲國家進入決賽嘅，邊個強啲呢？牙買加夠多金牌啦！美國隊女子體操嘅驚魂人物，佢哋嘅一姐。突然決定唔想比賽。喺觀眾席為隊員加油，等候補上啦！原因就係可能抑鬱發作，覺得上場嘅時候唔係以前快樂嘅感覺。所以失驚無神退賽。佢嘅隊友理解，佢啲教練，後勤人員接受，又無人話佢唔愛國吖，唔配做乜乜人吖，美奸之類。有無邊個可以想像，呢啲情況有機會發生喺我哋代表隊裡面呢？佢可以個人原因退賽，佢喺唔少人腦中嘅不負責任吖、任意妄為吖等等，其實係代表後面點樣嘅文化，以及所產生嘅思維方式同價值觀呢？一個大熱門坐係度睇大家比賽，大家關心嘅係佢是否開心，而唔係國家有無多塊金，有無領先過人。咁佢係輸咗抑或贏咗吖？最後都係一條思考題，我哋有愛嘅權利嘅同時，有無唔愛嘅權利吖？愛係發自內心嘅。你禁止佢愛，佢都想方設法為愛付出。相反，佢唔愛嘅，你硬性規定佢愛，都係表面迎合，陽奉陰違。好似讀書就係最好嘅例子。有啲人真係唔鍾意讀書嘅，或者唔接受呢種教育方式嘅，你無論點叫佢愛，都係多餘。
彭彭零用感謝您簡單粗暴實際有效的支持！
转载请注明：http://www.bailiqing.com/gjqh/10124.html
